السلام عليكم
أتابع خلال شهر رمضان المبارك حلقات عن التربية الإيجابية لمدربة التربية الإيجابية أمنية عسكر جزاها الله خيرا
الحلقات تذاع بث مباشر 3 أيام أسبوعيا
هنا سأدون أهم النقاط التي استفدتها من الحلقات
الحلقة الأولي : الرؤية
دايما أفكر في اللي في ايدي أعمله النهارده
ايه اللي أنا أقدر أغيره وأحسنه اليوم
مفكرش في أي أخطاء عملتها في الماضي
متفكروش عل الآخرين انهم لازم يتغيروا احنا نفكر علي نفسنا احنا ..منحاولش نركز مثلا أنا زوجي بيبوظ اللي أنا بعمله أو اللي حواليا مش مساعديني
ركزي انتي المفروض تعملي ايه
عاوزين نربي مهارة الresilience
أنهم يبقوا صامدين غير قابلين للكسر
بتحملوا مصاعب الحياة وتعرجاتها
احنا بشر بنخطئ واما نخطئ بنعتذر وبنصلح
انك متغلطش أو ولادك ميغلطوش شيء غير بشري وغير انساني
دائما تذكري أنت القدوة لأولادك
دايما يكون عندي وعي بذاتي وأستجمع ذاتي وأفكاري أثناء الغضب ومعطيش رد فعل الا ما أهدي
أول حاجة أعملها اما الطفل يعمل غلط اني أغذي وأوفر شعور الأمان زي اني أحضنه وأتكلم بصوت واطي وأبدأ بقي أتكلم معاه
أنا كده بنمي قدرته علي اتخاذ القرار
ساعتها الطفل بدل ما هيقول ان ماما مش بتحبني او أنا بكره ماما
هيقول ماما بتحبني وحسيت ان شخص مهم
شعور - تفكير - قرار
لما أتعامل مع الموقف بالشكل ده الطفل هيكتسب طرق التهدئة الذاتية
يبقي أنا كده ببني مهارات أولادي بوعي
واحنا بنصرح احنا مش بنربي
لازم أكون هادي علشان أقدر اربي
دايما بنفكر علي ال long term
التربية بطبيعتها عمل بعيد المدي
ان شاء الله الحصاد هيكون علي مدار السنين
التربية مش عملية سهلة لكن دايما يكون عندنا أمل اننا ان شاء الله مكملين
كل واحد يملي صندوق الأدوات الخاص بيه بما يحقق رؤيته هو في اولاده مش لازم كلنا نبقي شبه بعض
المرة القادمة الحلقة عن الحزم في التربية
لازم نحط حدود ونقول لا علي حجات
بس مش لازم نقولها بعنف
لازم نفولها بحنان وعطف
الحلقة الثانية :
الحنان والحزم معا
Kind and firm
أستاذة أمنية حكت 3 حكايات مختلفة عن 3 أطفال ب 3 أنماط تربوية مختلفة
أول واحد مامته محضره له الفطار وهو مرضاش ياكله ومامته قالت له ماما عارفه مصلحتك ومش هتاكل غير ده !!
تاني واحد مامته قالت له طب عاوز ايه يا حبيبي ..عاوز كذا من المحل ..كلمت المحل تجيبله ..ايجي الأكل معجبوش وهكذا ,ودي مامته هتفضل مرمطة معاه طول العمر
تالت واحد مامته قالت له خلاص زي ما تحب .وسابته يقرر هيفطر في معاد الفطار المحدد ولا لا ولو مكنش يبقي هينتظر للغداء وهنا الطفل هو المسئول عن قراره والزمته بالاختيارات المحددة المتاحة
الأول : قيود ع الطفل
الثاني : حرية بلا نظام
الثالث : الطفل عنده قدرة علي اتخاذ القرار
حاجة داخلية عند الطفل بتعلمه اه انا المرة دي اخترت غلط يبقي المرة الجاية هختار الاختيار التاني
أول ما الطفل يعمل شئ بنفسه سيبيه متعمليش له الحاجه دي
بيعرف يغسل ايده . بيعرف يحضر شنطته ..بيعرف يعمل رباط الجزمة
حتي لو معملش صح
الأطفال هيبقوا مسؤولين عن حاجتهم ..حياتهم مسؤليتهم مش مسئوليتنا احنا
أنا لازم أبقي مسئول أمي تعني ما تقول
الحنان والحزم معناه اني أحترم نفسي وأحترم الطفل وأحترم الإطار اللي احنا فيه
منخافش اما الأطفال يزعلوا شويه أو يحبطوا شويه
الأطفال اما الأب والأم يكونوا متساهلين معاه بيفتركوا ان الأب والأم هيرضخوا لهم في كل الأوقات
مثال : الطفل معلي صوته وهو بيكلمني
أقوله طول ما انت بتتكلم بصوت عالي مش هرد عليك اما أكلم بصوت هادي هرد عليك
ده الحنان والحزم
احط مع ابني الاتفاقات ازاي : مش هقوله بعنف كده اتفقنا ؟؟
لا احنا هنقعد سوا ونتكلم ونتناقش ونحترم بعض في الاتفاق
لكن اما اقول له انا قررت انك تخلص في الوقت الفلاني وتعمل كدذا ده ماسموش اتفاق
أحد الأدوات اللي تساعدني علي تطبيق الحنان والحزم :
اداة الاختيارات المحدودة :
لازم تكون الاختيارات أنا موافقه عليها
أداة العواقب المنطقية
مثال : البنت ضيعت قصتها اللي مستعريها من المكتبة ومطلوب منها غرامة
الأم عطتها لها وخصمتها من مصروفها بالتقسيط
الحلقة الثالثة : تكوين شخصية الإنسان
منخافش اما الأطفال يزعلوا شويه أو يحبطوا شويه
الأطفال اما الأب والأم يكونوا متساهلين معاه بيفتركوا ان الأب والأم هيرضخوا لهم في كل الأوقات
مثال : الطفل معلي صوته وهو بيكلمني
أقوله طول ما انت بتتكلم بصوت عالي مش هرد عليك اما أكلم بصوت هادي هرد عليك
ده الحنان والحزم
احط مع ابني الاتفاقات ازاي : مش هقوله بعنف كده اتفقنا ؟؟
لا احنا هنقعد سوا ونتكلم ونتناقش ونحترم بعض في الاتفاق
لكن اما اقول له انا قررت انك تخلص في الوقت الفلاني وتعمل كدذا ده ماسموش اتفاق
أحد الأدوات اللي تساعدني علي تطبيق الحنان والحزم :
اداة الاختيارات المحدودة :
لازم تكون الاختيارات أنا موافقه عليها
أداة العواقب المنطقية
مثال : البنت ضيعت قصتها اللي مستعريها من المكتبة ومطلوب منها غرامة
الأم عطتها لها وخصمتها من مصروفها بالتقسيط
الحلقة الثالثة : تكوين شخصية الإنسان
خطوات إصلاح الخطأ :
استجماع النفس
الاعتذار
Take care of yourself
لازم الأم تعتني بنفسها
لأن نفسيتها هتأثر علي نفسية البيت كله
طبيعي الأم تفقد أعصابها أحيانا
لكن مش علطول
لازم أركز علي إصلاح نفسي وليس إصلاح الآخرين
التركيز علي أخطاء الأخرين جهد مهدر
متقارنوش الأاطفال ببعض
كل اخ مختلف عن التاني اقبلوهم زي ما هم
مش معني انه يجيب 60 في الميه في المدرسة انه هيجيبهم في الحياة ممكن في الحياة يبقي متفوق عن أقرانه اللي بيجيبه 100 في الميه
لازم الطفل يحس انه مقبول كما هو وانه مجرد وجوده هو اضافة للبيت
البيت المتوازن فيه تقدير وفيه تبادل لكلمات الشكر
في البيت المتوازن حدود الطفل عارف ايه المسموح وايه اللي مش مسموح
لو الام والأب عندهم قيم مشتركة الاطفال هيتخذوها قيم للحياة زي الصدق والعدل و الامانة
لو عند ماما بس ممكن يشعروا ان دي قيم للنساء والعكس (ربما)
القيم المشتركة الأطفال هيعتبروها قيم مطلقة
الأطفال من تفاعلات العلاقة بين الأام والأب هيحددوا العلاقة بيكون شكلها عامل ازاي بين الرجل والمراة
4 c
محتاجينهم في علاقتهم مع أولادنا
Connect - التواصل بالحب
Capability - القدرة
كل ما الطفل يكتشف من الصغر قدرته علي فعل الأشياء كل ما زادت ثقته في نفسه
سيبوا الأطفال يعتمدوا علي نفسهم وشجعهوهم
هتتفاجئوا وهيبهروكم بقدراتكم
تاملوا قدرات الأطفال ونموها
Count
الطفل مش شنطة باخدها معايا اي مكان وخلاص
الطفل أسمعه وأهتم برأيه
الطفل بني آدم له قراراته وله رأيه في كل حاجه
Courage
الشجاعة
أشجعه لو وقع ..لو فشل في حاجة لو معرفش يرسم رسمة كويسه
لازم نشجع التقدم البسيط
ومنعليش سقف توقعاتنا فيأثر عليهم ويحبطهم
العلاقة الصحية بين الزوج والزوجة هي الاحترام قبل الحب
ده اللي يخلي نفسية الطفل كويسه
احترمي الزوج وقراراته ورغباته
قراراتنا في حياتنا تبني علي قدراتنا وليس إرضاء لرغبة المجتمع
الطفل يا ما هيطلع انسان
to thrive
or
to survive
اول حاجة هي انه يزدهر وده اللي عاوزينه انه يوصل لهدفه وانه يكون أحسن حاجة ربنا خلقه علشانها حتي لو كانت غريبه علي مجتمعنا
اما
التانيه
انه عمال بيعافر في حاجة مش حاببها علشان رغبات المجتمع ورغبات اللي حواليه
******
الأمزجة التسعة
الإيقاعية المنتظمة
فيه أطفال عندها ايفاع منتظم في حياتها خلقتها كده
بتنام في معاد محدد تاكل في معاد محدد تدخل التويلت في ميعاد محدد
دول مش عتتعبي معاهم انك تعمليلهم روتين
وفيه اطفال العكس تماما
مهم منقارنش الاخوات ببعض في النقطة دي كل واحد له مميزاته
اما تروحوا مكان جديد مثلا اللي عنده ايقاعيه منتظمه ده هيتعبك لكن التاني لا وهكذا
Initial response
فيه اطفال مبتستجبش للحاجة الجديدة من أول مرة
اما يروح مثلا تمرين جديد بيبقي مش عاوز
لازم ناخده بالتدريج
ناخده الاول يتفرج بس
وهكذا واحدة واحده
فيه أطفال تانية لا بتلاقيها منطلقة وببتبسط من أي حاجة جديدة
منقارنش
Sensory response
الاستجابة الحسية
فيه أطفال حواسها بتستجيب بزيادة للحاجة
التذوق عالي في الأكل : حاطة زبده في الاكل مش حباها
اللمس : الملاية خشنة
البصر: النور مضايقني
Adaptability
القدرة علي التكيف
علي الوضع الجديد
سافرنا من بلد لبلد او مثلا غيرنا الحضانة او المدرسة
لازم نقدر المشاعر ونحترمها ويكون التغيير بالتدريج ونمهد له
المثابرة ومدي التركيز
persistence and attention span
فيه طفل عنده مدي التركيز طويل وفيه طفل تاني مدي التركيز قصير
ودي مش حاجة وحشة
Distractability
صرف الانتباه الطفل عن حاجة كان منسجم يها
لو مثلا كان تيته وحدو موجودين ومشيوا
فيه طفل بيعيط بس سهل تشتته وده بينتبه للألوان واللعب وغيره
فيه طفل تاني بيفضل مزرجن ويعيط ومش سهل تشتته
طفل بيقفل كل الحواس بتاعته ومش عاوز يصرف الانتباه لأي أمر آخر
Quality of mode
جودة المزاج
فيه أطفال تصحي الصبح مكشره وأطفال تصحي مبسوطة
منوصمش الطفل اللي بيصحي مضايق ونقول عليه نكدي
ناخد الطفل في حضننا ونسأله ايه الحجات اللي بسطتك النهارده وايه الحجات اللي زعلتك
وهكذا كل يوم في وقت خاص ما بيننا
احنا مش بنغير الإنسان لكن بنحاول نحب الطفل ونقبله زي ما هو ونروض الطبع
زي ما بنعطي للأولاد غذاء صحي بس مش هنقدر نحميهم من الأمراض وهكذا في التربية
المجتمع اللي حوالينا مش هنقدر نتحكم فيه لازم هيأثر سواء من الأقارب أو الأاجداد
لو فيه حاجة كبيرة بتأذي ولادي لا لازم وقتها أدخل
اما لو حجات بسيطة لا عليكي .. ركزي في دورك تعملي ايه مع طفلك وتعالجي ده ازاي
انا بعمل اللي عليا واللي في مقدوري لكن انا مش هيبقي بايدي كل حاجة
أرجوكم متحاولوش تسيطروا ع العالم
هاتوا ورقه واكتبوا فيها معتقداتكم في حالياة اللي اكتسبتوها من البيئة اللي حواليكم من وانتم صغيرين
ومأثرة عليكم في تربيتكم لولادكم
