Harmony course - Summary

الحمد لله ربنا أكرمني بحضور كورس انسجام للمحاضرة د / سارة سيف .. الكورس 
أونلاين وفعلاً أفادني كثيرا وسأقوم باذن الله بكتابة بعض النقاط الهامة التي استفدت منها 
في بعض المحاضرات لتكون مرجع لي دائماً.

محاضرة تحديد الأهداف
تحبي ابنك بعد 20 سنة يبقي عامل ازاي؟

- راضي
-سعيد
-متدين يعرف ربنا
-قدوة
-الثقه بالنفس
- مرن
-عنده بر للوالدين
-عنده عقيدة وقوة بالله
-هادي
-ناجح
-منظم
-متميز
-شيك وبيلبس كويس
-متعاطف
-يتقن عمله
-صادق
-عنده انتماء لبلده
-متفائل
-شاعر وبيعرف يعبر ومؤثر
-شجاع
-عنده ضمير
-سند


هل فيه حد كده أصلا؟
لا
لا فيه
سيد الخلق صلي الله عليه وسلم

يبقي نخلي هدفنا انه يكون زي الرسول صلي الله عليه وسلم


ملناش دعوة بالمجتمع واللي بيقولوه واللي بيفهموا فيه

(تركت فيكم ما ان تمسكتم به لن تضلوا بعدي أبدا ..كتاب الله وسنتي(



التحديات اللي هتقابلنا في العشرين سنه دول علشان نحقق الحجات دي؟

- التعليم والمدراس
-المجتمع
-الاصحاب
-الاهل
-الانفتاح علي الحضارات التانيه
-طباع الطفل
-الخلاف مع الزوج في التربية
-التكنولوجي
- طباعي كأم
-الأخوات
-القدر والابتلاء
-الفلوس
-حال البلد
-الصحة
-الثبات والاستمرارية
- ضغوط الحياة اليومية


انتي مجرد تبقي شاطرة في الحجات دي هو هيتعلمها منك بالتقليد اول 5 سنوات
انتي المطلوب منك تتعلمي كل الحجات اللي فوق دي
بعد 5 سنين بقي بنبدأ نعلمه المهارات الاجتماعية


نشاط للأمهات:
نعمل brain storming

ايه هي الاهداف اللي انا عاوزاها لابني طويلة المدي؟
ايه الاهداف قصيرة المدي اللي انا عاوزاها من الموقف ده ؟
ايه الحجات الفعليه اللي انا بعملها للتعامل مع الموقف ده؟

المرحلة السنية من سنتين إلي 3 سنوات

Age group 2-3

أكتر مرحلة مجهده للأم عاطفيا

الأم بتقلق جدا في المرحلة دي

فجأة ابنك بقي بيخاف من الضلمة والحيوانات والأصوات ... وده علامة قويه ع النضج .. الطفل بيبتدي يفهم يعني ايه خطر .. بقي بيخاف علشان كبر مش العكس ... بيقدر يتخيل حجات هو مش بيقدر يشوفها رغم انها مش موجوده ف الواقع .. ممكن يتخيل العفريت والوحش حتي لو مش بيشوف ولا بتكلميه عن الحجات دي ..

هو مش قادر يفرق في المرحلة دي بين الحقيقه والخيال

ممكن فجأه يبتدي يخاف من ألعاب وشخصيات كرتونيه او حتي كتب تلوين عليها شخصيه معينه او تي شيرت

ده بيحصل لانه عارف ان فيه خطر بس لسه مش عارف انها مش حقيقية

وممكن يجيله حالة هلع لو سبتيه مع ناس ميعرفهمش زي الحضانه وزي ال play ground

 بدأ يبقي عنده

social skills

بدأ يفهم يعني ايه ناس غريبه ويعني ايه ناس قريبه

من ضمن التغيرات برضه

الخجل والكسوف

حتي لو كان بيعمل الحاجه دي قبل كده

مثلا مش عاوز يسلم علي جده او جدته رغم انه كان بيسلم عليهم قبل كده

بقي بيفهم لوحده الفرق بين

ال personal

و ال professional

احنا اللي بنأثر علي فطرة أولادنا لما بنخليهم مش قادرين يختاروا يقربوا من مين ويبعدوا عن مين فسيبيه علي فطرته

كمان فجأة بيرفضوا انهم يتشالوا حتي من الأقارب والأصدقاء

دي مرحلة حب الخصوصيهة

بدأ يقرر انه يختار مين يسلم عليه ومين يلمسه

غلط نجبر الطفل ع السلام والقبلات من ناس غريبة

لازم تكوني عارفه بدون قلق ان اي طفل معرض للتحرش..

 تخيلي اجبارك ليه انه يسلم ويقبل حد غريب ميعرفوش ده ممكن يخليه ميجيش يقوللك لو حد اتحرش بيه ... لان عارف ان ده مش من حقه

اما تعرفيه ان جسمه ده خصوصيته هيجي يقولك علطول ومش هيوافق ان حد يتحرش بيه او يلمسه

لحد دلوقتي هو مش فاهم مشاعره علشان يفهم مشاعر اللي حواليه علشان كده ممكن ميفهمش المشاركة ف اللعب اوي ممكن يعملها بالتقليد لو انتي قلتيله لازم تشارك صاحبك لكن هو لسه مش فاهمها مش هيعملها لوحده.

ما تجبريش طفلك علي صفة قبل أوانها .. انه يبقي اجتماعي ده مش سنه هو واحده واحده هيتعلمها

مهمتك في الفتره دي انك تحترمي مشاعره /

تساعديه في اختيار كلمات يعبر بها عن مشاعره

تحكيله عن قصص مشابهه ليكي حصلتلك في طفولتك

لا تلوميه ولا تحرجيه  اما يستخبي فيكي ومش عاوز  يسلم علي حد اوعي تسيبيه او تقوليله يلا ادخل الحضانه الوقتي أو يلا سلم

اوعي تعاقب الطفل علي مشاعره

children are very fragile

الأطفال بيتكسروا بسهولة ويتوجعوا بسهولة.

المرحلة السنية من 3 الي 5 سنوات

أكثر المراحل اثارة

ابنك عاوز يكتشف  كل حاجه

ابنك عنده رغبه رهيبه انه يكتشف جسمه او جسم اخواته طبيعي جدا

سيبوا الطفل يكتشف براحته بس القلق انها تكون زايده وقتها نشتت الانتباه ونشغل بحاجه تانيه

وياما اطفال اتعقدت في حياتها بسبب ام اتعاملت بعنف مع الموضوع ده

لو طفل عنده الموضوع ده بشكل مفرط أثر علي اللي حواليه لازم ألجأ لمتخصص تربيه جنسيه علشان أعرف التعامل الصح

المرحلة دي بيحصل تطور رهيب في المخ

بيبقي عاوز يتعلم أكتر

اهتمي بالألعاب التعلميه بتاع الأطفال كتييير جدا

اي حاجه ممكن يتعلمها في المرحله دي

بيبقي زي السفنجه فعلا

في السن ده الأطفال بتسأل أسئلة كتير جدا جدا

لازم تستقبلي الأسئلة باحترام

احترمي فضول طفلك

متعة التعلم والاحساس ده هيفضل معاهم حتي بعد دخول المدرسه

هيفضل motivated for learning

من 3 الي 5 

الأطفال ممكن يتجهوا للكرتون التعليمي زي ناشونال جيوجرافيك الأطفال بتبقي شغوف بيها جدا مش بس ميكي ماوس وغيره 

لأنهم عندهم 

motivation to learn 

ليه السمكه بتعوم في المياه والطائر بيطير في السما وانا مش عارف أولع شمعة بالكبريت ؟! فيبقي عنده شغف جدا بالكبريت

لو معرفتيش اجابة سؤال مش مشكله قوليله يلا نبحث سوا وتاخديه يدور معاكي علي كتب معينه علشان يوصل للاجابه انتي كده بتربي واحد علشان يبقي problem solver  في المستقبل

من 3 الي 5 معندكيش أولوية تانيه غير التعليم .. لعب تعليميه وأنشطة وخروجات تعليميه متفوتيش يوم من غير ما الطفل يتعلم حاجه جديده ...

ممكن تعلميه كمان يستحمي لوحده في السن ده

عاوزه تطلعي شاب ناضج يبقي تركزي علي السن ده من 3 الي 5

الي جانب ده مهم تعلمي الأأطفال عن القواعد .. وانتي بتعمليه القواعد لو انتي مش عارفه القاعده دي ليه متقوليهاش

لأنه هيسألك ليه ؟ هيحصل ايه لو معملتش كذا ؟

خدي بالك من الجراءة في السن ده

من 2 الي 3 بيبقي خايف __ من 3 الي 5 بيبقي جرىء

عاوز يجرب كل حاجه .. يفتح باب السياره وهي ماشيه يفتح الشبابيك وكذا فخدي بالك

تطرقت برضه للحديث عن نوبات الغضب اللي بتحصل الطفل في السن ده :

*Never try to control tantrum

نوبة الغضب اللي بيمر بها الطفل مش هتقدري توقفيها .. لازم تتعاملي معاها بشكل وسطي مش Extreme في الناحيتين

التعامل مع نوبه الغضب بدايه تعويد الطفل علي الثقه بالنفس واداره الازمات

متغضبيش وتزعقيله وبرضه متجيبيش له لعب وتدادي فيه علشان يسكت  لازم تتعاملي بحكمه وبرضه لا تفترضي انه هيسكت انتي بتحاولي تقللي الحده قدر الامكان لكن

Do not Expect to control

احنا ككبار ممكن يجيلنا فتره غضب كل فترة .. مهما كنا عاقلين او اخدنا كورسات .. لاننا بني آدمين

بصي للموضوع علي المدي الطويل انتي عاوزه ابنك ف المستقبل يبقي شخصيته ازاي ؟ بيتعامل ازاي ؟

ايه المهارات اللازمة للطفل علشان يقدر يتعلم القواعد دي ؟ 

ال6 مهارات المعرفية  علشان توصلي لابنك معلومة: 

إرشادات واضحة 

معرفة السبب

التوقعات 

الدعم انه ينجح 

تعلم حل ال conflict  حل الاختلاف 

ميكونش معتمد عليكي في التفكير independent thinking 

اللعب هو اللي بيعلم الأطفال القواعد

متعة اللعب مع الطفل والمهارات اللي بيكتسبها من خلال بعض الألعاب.

البازل  

بيتعلم التخيل - بتعلم تحديد الأهداف  بيتعلم فرحته بالانجاز  بيتعلم ان الخطأ بيتصلح 

بيتعلم حل المشكلات اللي بتقابله 

ألعاب الدراما والمحاكاة 

بيتعلم اللغه بيتعلم ال social and emotional skills

ممكن يتعلموا القرآن من خلال تمثيل قصص القرآن 

الرسم والأغاني

الرسم مهم جدا حتي لو بيشخبط الوقتي 

بيتعلم التفاصيل 

وبيتعلم الكتابه في المدرسه بعد كده 

بتزود ثقته في نفسه وسط زمايله 

الأغاني 

ممكن تعلمه اللغه والتعبير 

ممكن نشغل الأغنية وهو بيرتب أوضته نحولها لمتعة أو أثناء ما بيلبس ونحدد بيها الوقت 

الأغاني بتزود التركيز حتي لو من غير موسيقي 

بيتعلم الثقه بالنفس

ممكن تعالج ال tantrum 

تفكريه بالاغنيه اللي بيحبها لو هو زعلان

 

التركيب والفك 

بيعلم الطفل

fine motor skills

creativity

planning

accuracy

الإنجاز والخيال 

الألعاب التفاعلية :

زي الاستغمايه مثلا أو القطة العامية

بتعلم المشاركة والتواصل وتقبل الهزيمة 

ممكن لو بتلعبي معاه تمثلي انك اتهزمتي وزعلانه بس تقوليله انا حاسه اني اتهزمت بس هحاول تاني ان شاء الله 

بتعمل ضحك وروح حلوة وسعادة ف البيت 

البيوت الكئيبة بتطلع ناس ضعيفه 

البيوت المفرفشه بتطلع أطفال مبسوطه وفرحانه ومرنة ومتقبله الحياة 

فرفشوا .. وخدوا الأمور ببساطة 😊😊

ت مرحلة 3 الي 5 سنوات

في المرحلة دي الأطفال بتحب تساعد الأهل جدا ..بيبقي عاوز مثلا يطبخ مع ماما ... غلط جدا الأم اللي ابنها يطلب منها انه يساعدها وهي تقوله انت لسه صغير ...بيتربي في ذهنه علطول انه صغير بيبقي dependent

دايما نشجع الأطفال انهم يساعدونا ف البيت نحسسهم أد ايه اننا منتظرين مساعدتهم معانا ف البيت

Fluency vs Accuracy

المشكله بتحصل اما احنا نركز علي الدقة مع الطفل .. لازم نركز علي ال fluency  بانسيابيه وفطرية مع الطفل

يعبر عن غضبه وخلاص مش مهم يعبر صح واحده واحده هيتعلم

وانتي بتعلميه التلوين او الكتابه متقوليش له ده غلط خليه fluent الأول

ممكن تعملي جدول بأيام الأسبوع :

look أول يوم

say تاني يوم

write تالت يوم

تتعلم واحده واحده

وتعلمي صح علي الصح

متعلميش غلط علي الغلط

يبقي قسمي المهمه لخطوات صغيره وعلمي صح علي الخطوه اللي عملها علشان يحس بالانجاز

لو عاوزه تعلميه مثلا يلبس البجامه لوحده:

ممكن تقسمي المهمه دي

مثلا لأربع خطوات :

أول حاجه  أعلمه الاختيار ... أول خطوه تختار هتلبس ايه الأأخضر ولا الأزرق؟

تاني حاجه أعلمه يقلع لوحده ..تاني خطوة

تالت حاجه اللبس اللي قلعته تعلقه ... تالت خطوة

رابع حاجه تتعلم تلبس البنطلون... ثم التيشرت

كل يوم هقوله خطوة واحده بس ويعملها ونتأكد منها ثم ننقل علي اللي بعدها وهكذا

علميه تقسيم المهمه علشان ميحبطش .. علشان يحدد ايه الحاجه او الخطوة اللي مقدرش يعملها

Case study:

2 - 3 years

ابنك سبتيه في سريره ومش راضي يبطل بكاء وبيقاوم وكل شويه يجيلك تفتكري هو بيعمل كده ليه بناء علي المعلومات اللي عرفتيها عن طبيعة المرحلة دي؟

- خيال واسع صنع قصاده شخص مخيف

- مش قادر يفهم الفرق بين الواقع والخيال

- اعتقاد ان الظل ده وحش وان الأصوات الغريبه دي قاصده تزعجه وان الرياح دي كائنات مرعبة

- اعتقاد ان الرسومات اللي في أوضته صحيت

-احساس بالخطر لما بيكون لوحده ف الضلمة

-مش قادر يتفهم انك لما تمشي هترجعي تاني

- مش قادر يعبر عن خوفه بالكلام

-الضغط زاد عليه لما حس ان غضبك بدأ يزيد

Case study:

ابنك بيحب الكور جدا شاف في يوم من الأيام كوره جميله في المحل شدها وطلع يجري جريتي وراه وطلبتي انه يرجعها راح رامي نفسه علي الأرض ودخل في نوبة غضب رهيبة ولم عليكي المحل

تفتكري ايه الأسباب اللي خليته يعمل كده؟

- عدم فهم نظام المحلات والفلوس

-مش قادر يفهم ليه الكوره مش بتاعته

-مش قادر يعبر عن مشاعره بالكلام

- رغبه قويه في الشعور بالاستقلال

-رغبة انه يحس انه هو المتحكم في العالم بتاعه

-مش قادر يفهم انتي حاسه بايه

وكل دي علامات نضوج وعلامات انه ماشي التطور الطبيعي

من سن 3 الي 5

عندهم حس الفضول للتعلم بأي أدوات متاحة قدامهم زي الميكب وخلافه

case study:

ابنك فتح درفه الدولاب وطلع كل حاجه بره وفيه حجات وقعت واتكسرت وبدأتي تحسي بالغضب ، يا تري ايه الأسباب؟

-رغبه قويه انه يفهم كيف تعمل الأشياء ..ممكن جدا رماها متعمد علشان يعرف بتعمل ايه وطبيعتها ايه

- عايز يعمل تجارب بالأدوات علشان يكتشف خصائصها .. ايه الللي بتكسر وايه اللي مش بيتكسر وايه اللي بيعمل صوت وايه لا وهكذا

-رغبة طبيعيه انه يتعلم عن العالم اللي حواليه

- رغبه قويه في اللعب

-عاش مع اللعب ومركزش

- معندوش خبره مع كل أنواع الادوات علشان يقدر يميز ان دي بتتكسر معندهوش الربط ده لسه

- مش قادر يفهم ايه المشكله اصلا اما الحجات دي تتكسر ما هو أحيانا بيشوفك بتكسري الحجات مش بتتكلمي ..ما انتي احيانا بتفتحي دولابك تاخدي اللي انتي عاوزاه ليه أنا كمان مفتحش

Case study:

بتجهزي علشان تنزلي شغلك وابنك لازم ينزل معاكي بس هو مشغول بلعبته ومش راضي يوقف لعب، بناء علي المعلومات اللي اتعلمناها :

-رغبة بيولوجيه قويه للعب

-اندماج ف اللعب -- لو عايزه تستمتعي يحياتك اتفرجي علي طفل وهو بيلعب وشوفيه بيحب الحاجه اللي بيعملها أد ايه

- لعبته مهمه بالنسبه له

-عاوز يكمل اللي ابتداه

- مش قادر يفهم ليه لازم نمشي الوقتي

- مش قادر يفهم الموضوع من وجهة نظرك

- اتفاجأ بمقاطعتك -- تخيلي انتي الكبيرة لو بتعملي حاجه ومنددمجه فيها حدا وحد ايجي قلالك توقفي لازم نعمل كدذا مش هتتضايقي ولا لا ؟

Case study:

بتحضري وصفه ومجهزه كل حاجه وحاسه باجهاد شديد .. ايجي طلب منك انه يساعدك وانتي عاوزه تنجزي لأانه هياخد وقت أطول ..صمم انه يساعدك وبدأ يجيب الحجات وانتي بدأتي تحسي بالضغط تفتكري ممكن يكون ايه السبب؟

-رغبة قويه انه يتعلم مهارات جديده

- رغبة قويه انه يعمل تحدي

-بيحب إحساس لمس المكونات 

-عنده فضول ايه اللي هيحصل لما المكونات تتخلط ببعض .. بيتعلموا ال science

- مش قادر يفهم الموضوع من وجهة نظرك وانتي ليه رافضة انه يساعدك .. ربنا عاوز الأنا بتاعتهم تكتمل ميشغلوش نفسهم الوقتي الناس عاوزه منهم ايه

- رغبة إنه يقلدك لأنك قدوته

-رغبة انه يعمل حجات مهمة زي اللي بيعملها الكبار ... الكبار في السن ده بيبقوا عاوزين يلعبوا بالحجات الحقيقيه اللي الكبار بيستخدموها مش ألعاب بلاستيك بس.

Case study:

انتي بره البيت وابنك بيلعب جمبك وابنك فجأة جري ع الطريق وفيه عربيه جايه وانتي خفتي ورحتي بسرعه لحقتيه ومش فاهممة هو ليه عمل كده تفتكري ايه الأسباب؟

-معندوش فكرة ايه اللي ممكن يحصل له لما يتخبط بعربية كبيرة  أو لما ينط من شجرة عاليه أو لما يحط ايده ف البوتوجاز وهو سخن

- معندوش تقدير لعواقب ايه اللي ممكن يحصل لو عربيه كبيره خبطت طفل صغير 

- مش فاهم يعني ايه يتخبط فعلا

- مش فاهم يعني ايه حادثه وموت هو غرقان في اللعب 

- معندوش خبرة انه يقدر يقارن عدم تكافؤ القوي بين العربية الكبيرة وجسمه الصغير 

- مش قادر يحط نفسه مكان سواق العربية ... هو مش فاهم انه علشان قصير ممكن السواق مش يشوفه 

ت: الحلول السليمة للحالات السابقة

صعوبة وقت النوم:

غير منطقي انك تقنع الطفل ان مفيش حاجه تخوف

لازم يبقي فيه connection  ما بينكم قبل النوم

دش دافي - تقرأيلها لحد ما تنام تسيبي فيه نور بسيط داخل الاوضة

تقولي مين هينام علشان يرتاح وبكره يقوم نشيط

خلوهم يناموا علي أحلام سعيده خلوا القصص دايما جميله مش مرعبة

قوليلها انك هتفضلي جمبها لحد ما تنام

لو قمتي وهي قامت جيالك خديها في حضنك ونامي متقوليش ليها روحي ع اوضتك

الخوف عند الأطفال :

صعب جدا انك تقنعيهم ان الحجات اللي بتخوفهم مش حقيقه لأنهم مش بيقدروا يفرقوا بين الجقيقه والخيال

لو قالك مثلا فيه وحش في الدولاب افتحي الدولاب وطمنيه ان مفيش حاجه .. وهكذا لو قالك تحت السرير ادخلي تحت السرير طمنيه

افتكري دايما اننا ككبار احيانا مش بنكون مرتاحين لو احنا في اوضه ضلمه لوحدنا وان الخوف استجابة بشرية طبيعية

بعض الثقافات بتوصي ان الأطفال يفضلوا في نفس الغرفه مع الأب والأم في سرير منفصل  .. ثقافات تانيه بتقول افصلوهم بس في الحاله دي الأب والأم محتاجين يبذلوا مجهود اضافي علشان يطمنوهم

اللآثار ع المدي البعيد:

الطفل بيحس  بالأمان مع مامته وان ليه ضهر دايما

فترة المراهقه اما تقوليله انا خايفه عليك انا قلقانه عليك عمره ما هيقدرها الا لو حس انك قدرتيه في خوفه وقلقه

شد الكرة في السوبر ماركت :

تشرحيله انك متفهمه انه بيحب الكره وان هي كورة جميله بس انتي مش معاكي فلوس كفايه علشان تشتريها وانتي متفهمه انه أد ايه حزين ومحبط .. طبعا ممنوع تلبيله رغبته مش عاوزين نربط نوبة الغضب بتلبية الرغبات

ممكن تاخديه بره لحد ما يهدي واما يهدي تكلميه يعني ايه حزن ويعني ايه احباط وتشرحي اننا منقدرش نجيب الحجات الا لو معانا فلوس كفاية وتحاولي تشتتي انتباهه في أي مهمة تانيه ..علميه ان فيه بدايل وفيه مهمات تانيه حلوه هيحبها

نوبات الغضب عند الأطفال:

الأهل بيضايقوا منها جدا اما انهم بيبقوا محروجين مثلا او حاسين بالمسئوليه .

افتكر ان كل تركيزك يبقي في ابنك وازاي تعالج الموضوع ده بشكل بعيد المدي .. حاول متقلقش من نظرة الناس ليك

افتكر ان محاولاتك علشان تتحكم في نوبة الغضب أكنك بالظبط بتخخكم في عاصفة ومش هتقدر

مستحيل ان حد قدر يتحكم ويوقف نوبة الغضب

نوبات الغضب هي طريقة ابنك علشان يعرفك انه محبط جدا جدا

لو ضربيته او صرختي فيه احباطه وغضبه هيزيد

كل اللي تقدري تعمليه انك تصبري ... ممكن تقوليله اما تهدي ممكن تحضن ماما .. ممكن تبوس ماما في المكان اللي ضربته فيها

اما العاصفه تعدي اقعدي مع ابنك وتكلمي في اللي حصل

قوليلي انتي كنتي بتعملي ايه اما تكوني محبطه اوي كده ... مثلا تقوليله كنت بحضن دبدوب .. ممكن تجيبله دبدوب معاه وهو خارج يحضنه اما يغضب

لازم تأكديله انك بتحبيه دايما سواء هو سعيد او غضبان خدي بالك

ايه الآثار  ع المدي الطويل للتعامل بالأسلوب ده مع الغضب:

بداية التحكم في الغضب : التمييز

الغضب مش بيوصل لنتيجة

ان فيه أوقات مش بنبقي قادرين نعمل الحاجه دي

اننا هتعاون معاه حتي لو غضبان

انه لو مجابش حاجه مش هي دي نهاية الدنيا ..بعد شويه بيبقي طفل سلس .. لو بتعطيه كل حاجه اما يغضب هيحس دايما انه دي الحاجه اللي هتسعده ومش هيعرف يعيش من غيرها

حالة فتح الدولاب:

تخليه يساعدك انك ترجعي الحجات دي تاني .. اشرحيله ايه الحجات اللي بتقع وتتكسر .. تجيبيله بدايل مش بتتكسر

تعيدي ترتيب دولابك بحيث الحجات القابله للكسر بعيده والحجات الآمنة قريبة

يساعدك تلمي الحجات بالمقشه وترجعيها تاني الدولاب

يتقبل الخطأ

يتعلم التعامل مع الأزمة

يساعد في الترتيب

يرجع الحاجه مكانها

التواصل مع الأم

الثقه في الأم- لو بوظ حاجه هيجي يقول لك

ضرب الأطفال :

اللي عندها اولاد بيضربوا بعض تستحمل وتصبر لأن هي اللي علمتهم ان الصري هو الوسيله لايصال مشاعرهم

بيعلمهم ان الضرب هو استجابة مقبوله لشعور الغضب 

بيعلمهم ان الناس المعتدمين عليهم علشان يحموهم ممكن يؤذوهم

انهم لازم يخافوا من الأهل اكتر منه ثقه علشان يتعلموا

ان بيتهم مش مكان آمن علشان يكتشفوا ويتعلموا

متطلبيش من طفل انه يبطل سلوك انتي اللي علمتيهوله 

الضرب بيدمر علاقتنا بأولادنا ومش بيعطوهم الثقه اللازمه علشان ياخدوا قرارات

case 9

لما تكونوا في مكان وحان وقت انكم لازم تمشوا وابنك مش راضي يسيب اللعب ويجي معاكي

تفهميه ليه لازم تمشوا وانتي وراكي ايه وان احنا هنبقي نجي نكمل لعبنا تطمنيه لو كان ده متاح

تعطيه مدة خمس دقائق مثلا وبعد كده تفكريه مثلا لسه دقيقتين وهكذا

ممكن تعملي سباق بينك وبينه مين هيخلص لبس الحذاء بتاعه الأول

تغيير النشاط عند الأطفال:

الأطفال بيلاقوا صعوبه في انهم ينقلوا من نشاط كانوا بيعملوه ومستمتعين بيه لنشاط تاني

الأطفال الاكثر ذكاء هما اللي بيلاقوا صعوبه اكتر في الموضوع ده لانهم بيكونوا منغمسين ف التفاصيل 

هما مش بيبقوا عارفين هل هيرجعوا يكملوا الحاجه اللي كانوا بيعملوها دي تاني ولا لا بس مع الوقت والخبره ف الحياه الموضوع ده بيتحسن كتير

case 10

لو بتطبخي ومستعجله وهو عاوز يساعدك

تشرحيله المكونات ..تختاري مهمه صغيره لايده الصغيره يقدر يساعد بيها .. يعني لازم تكوني مجهزه حاجه مسبقا صغيره ليها علشان لو فاجءك يعملها 

هتتعطلي الوقتي عشر دقايق بس هترتاحي ساعات في المستقبل

انتقاد الأطفال: 

لما الأطفال بتسمع النقد بيحسوا انهم مرفوضين وبيحسوا احساس الفشل

لو شافوا نفسهم وحشين يبقي نتوقع منهم انهم يعملوا حاجات حسب ما هما شايفين نفسهم

لو شافوا انهم ميقدروش هيبقوا اقل اقداما بعد كده انهم يتعلموا حجات جديده

الأطفال طلاب علم معتمدين علينا علشان يبنوا مهاراتهم ومحتاجين جدا لدعمنا

الأطفال اللي عندهم تقدير لنفسهم بيبقوا أنجح بيتعاملوا مع الخطأ والفشل وعلاقتهم كويسه مع اهلهم لأن اهلهم مؤمنين بيهم

الأهل يعملوا ايه: مع ولادهم وتطبقيه برضه مع نفسك 

يلاحظوا مجهود ولادهم حتي لو مش مثالي 

قدروا رغبة ولادكم في المساعده

يدعموا ولادهم لما يفشلوا ويشجعوهم انهم يصلحوا

المهم المحاوله مش مهم النتيجه .. احنا بنتحاسب علي السعي مش النتائج 

يقولوا لاودهم ايه اللي مخليهم مميزين .. عنده طفرة نظام ..طفرة عطاء

أرجوكم بدلوا النقد بالتشجيع 

Case 11

لما ابنك كان بيلعب في الجنينه .. والكره طارت بعيد ناحية العربيات وهو جري عليها

تفهميه ازاي ان ده خطر وانتي خايفه عليه ... major issue

تفرجيه ع الطريق وازاب العربيات ماشيه بسرعه وان السواق ممكن ميشوفوش لانه لسه صغير

واد ايه ان العربية قويه وخبطتها خطر

تمسكي ايده وتعرفيه ازاي يعدي الشارع بص يمين بص شمال 

أولا انتي خوفيتيه بس مش هتسيبيه خايف لام تطمنيه 

لازم تقدري شعوره لأنه اتخض من خضتك 

تعلميه يعرف يعمل ايه علشان يحمي نفسه من الخطر

تعطيه ثقه في نفسه انه هيقدر يحمي نفسه وياخد باله بعد كده 

الحضانة:

في رأي سارة أولا اعمل له تمهيد وتأهيل .. أعرفه ع المكان والمدرسين والألعاب 

وبعدين أبدأ طمنه لو عيط وشافني اني همشي واقول له اني كنت كده زيك برضه وده طبيعي وأقدر مشاعره وألهيه بأي حاجه بعد كده وأسيبه وأمشي

ممكن يفضل يعيط وده طبيعي بس المهم انك عملتي اللي عليكي واللي في مقدرتك .. ممكن بعد الحضانه تقعدي برضه تتكلمي معاه وتطمنيه ..

ممكن تقعدي معاه شويه بس برضه وانتي ماشيه هيعيط ..ولام تعملي ده برضه 

الأخوات 

مشاكلهم بتزيد اما يقعدوا في البيت والطاقه بتاعتهم مش متوظفه صح .. لازم تشغلي وقتهم وتنظميه 

مهم الطفل الأكبر يعلم الطفل الأصغر اللي هو اتعلمه  ده مهم لنمو العلاقه بينهم .. حتي لو يقدر يغير له البامبرز يغير له 

احساس الأخذ والعطاء مهم جدا مع الأطفال