What if everybody did that?!

قرأنا ليلة أمس قصة جميلة باللغة الإنجليزية بعنوان 

What if everybody did that?!

بتحكي عن طفل بيعمل سلوكيات خاطئة في أماكن مختلفة والمسئول عن المكان بينبهه ويقول له بطريقة غير مباشرة 

What if everybody did that? 

يعني تخيل معايه لو كل الناس عملت زيك كده وبنتخيل بقي سوا لو هو مثلا رمي علبة العصير الفارغة في الشارع وكل الناس عملت زيه القمامة هتملا المكان ..لو كل الناس عملت زيه ومرضتش تدخل الحمام تاخد شاور وهي ملابسها متسخة كل الناس هيبقي شكلها مش نضيف وهكذا 

عجبني جدا طريقة سرده وتخيل الحالة لو فعلا كل الناس عملت السلوكيات الخاطئة دي 

وفي النهاية ذكر سلوك صحيح وهو إنه بيروح يحضن مامته بعد ما يرجع من المدرسة ..لو كل الناس عملت كده الناس كلها هتحضن بعدها والحب هيسود العالم 💗💗

فيديو جميل للكتاب 

مما قرأنا ليلة الأمس

قمنا ليلة أمس بقراءة كتاب باللغة الإنجليزية اسمه 

loving hands 

كتاب جميل يحكي عن تسلسل الأحداث بداية من حمل الأم طفلها ثم الإنجاب ثم الرضاعة ثم خطواته الصغيرة ثم دخولة المدرسة ثم عبوره الطريق وحده ثم بلوغه فترة الشباب وتخرجه وسفره وعودته مرة أخري لأمه وجلوسهما لسلا يتأملان القمر كما كانت تفعل الام معه وهو طفل صغير 

تأثرت جدا بهذا الكتاب ربما أكثر من صغيري ربما هو لا يدرك هذه المعاني بعد ..لكن شعرت مع الكتاب أن العمر لحظة ويمر بسرعة جدا دون أن ندري ..شعرت أني أريد أن أحتضن صغيري ويظل بحضني طويلا .. بارك الله في كل أم وبارك لنا في أطفالنا..

وقمنا بقراءة بعض قصص كاميليا علي تطبيق نوري منها :

-كاميليا في المنتزه 

-كاميليا ترتكب حماقة 

-كاميليا في المطبخ 

Screen free activities

مشاركة جميلة عن كيفية استغلال وقت الطفل بعيدا عن الشاشات نقلته من علي الفيس بوك لعلي أو غيري ينتفع به مع طفله 

Mustafa Eldieb مصطفى الديب

January 14 at 10:02 AM · 

إليك بعض الخطوات اللي ممكن تعملها كبديل لجلوس الطفل امام التلفزيون والتليفون والتاب:

*اختاري اللي يناسب سن و شخصية طفلك و ممكن تاخدي الفكرة تطوريها او تبسطيها حسب سنه كالآتي..

1-مشاركة في تنظيف أو ترتيب البيت

2-احكوا حدوتة

3-اعملوا مسرح عرايس و خليهم هما يعملولك القصة و انت اتفرجي

4-الواح ورق كبيرة عالحيطة و يرسموا بخامات مختلفة الوان خشب,فرشة و الوان مياه,الوان اصابع ,لوح سودا و يرسموا بالطباشير مش كراسة رسم و علبة الوان و اقلب , و ممنوع كراريس التلوين الللي فيها رسومات جاهزة مطبوعة و هو يلون لأنها من معوقات الإبداع

5-العاب مطبوعة يحلوها زي الاختلافات و المتاهة و انهم يدوروا علي حاجات في مشهد

6-تتفرجوا علي فيلم قصير او كرتون عن قيمه معينه و تتناقشوا فيها

7-تتفرجوا علي اي مشهد من فيديو و بعدين تسألوا بعض فيه مثلا كانوا في مكان شكله ايه ؟لبسهم؟عددهم؟

8-بازل فيه من اول ال 4 قطع لحد ال 300 قطعة و اكتر

9-اي مكعبات مبتتجابش و نرميها للطفل و خلاص و بعدين نقول محبهاش لأ لازم نطور فيها مره نعملها عربية و نركب فيها لعبة تانية مره نعمل بيت علشان نمثل بيه حاجة تانية ,مره نعمل حيطة صغيرة علشان نداري ايدنا وراها في مسرح العرايس اتفقوا علي فكرة و سيبيه ينطلق فيها

10-تقليد اصوات كل واحد يقلد صوت حيوان او حاجة و الباقي يخمنوا

11- عروستي :دي ممكن تلعبيها مع ولادك و انت في المطبخ يقعدوا عالباب و تلعبوا اي حاجة موجودة في الشقة حد يوصفها و الباقي يخمنوا مثلا عروستي ؟ حاجة حمرا ,عروستي ؟ بتتاكل ,عروستي؟ بتتقطع عالسلطة (طماطم)

12- بدل ما نتعلم الحروف و الارقام عالورق نجيب طبق مليان رمل او ملح و الطفل يكتب بصباعه بعدين تلخبطوه و تكتبوا غيره و ممكن لوحده يعقد يرسم بنفس الطريقة

13-فصل الحاجات : مكرونة و عدس و طبقين و الطفل يفصل كل حاجة في طبق ممكن لو سنه صغير نخليه يفصل حاجات اكبر و اسهل و ممكن نطبق نفس اللعبة في فصل الالوان يعني يفصل كل الاحمر لوحدة و الابيض لوحد و ممكن نلعبها في سبت الغسيل يفصل لبس ماما عن بابا عن لبسه يعني كل لعبه مرنة و تنفع لأي سن

14-نعمل صلصال منزلي (كوب دقيق+نص كوب ملح+معلقة زيت+الوان طعام ) و نعجنها بمايه لحد ما تظبط و نخلي الطفل يعجنها بنفسه ,ممكن تقعد لأسبوع في التلاجة في كيس

15-أي حاجة يدوية شوية خامات الطفل يطلع منها حاجة

16-سينما : تضلموا الغرفة و تعملوا فشار و عصير و يبقي حد مهمته يحط الفشار في اكياس و حد يوزع تيكت و حد يظبط المكان و تتفرجوا علي اي فيديو حتي لو ربع ساعة ممكن مره عن الحيوانات مره طيور مره اسماك بلاش مش لازم كرتون

17-مخييم في الصالة مره في الاسبوع في الشهر اي كان المناسب تطلعوا مرتبة بره و تناموا كلكوا جمب بعض ده مفيد جدا للأطفال اللي لسه بتتعلم تنام لوحده بيبقي حافز حلو ليهم اننا كل فترة هنام كلنا سوا شرطها تكون بره مش في غرفة الاب و الام علشان الطفل ميرتبطش بالغرفة و يروحلها كل يوم

18-خيمة : كرسيين و فوقهم كوفرته او اي خيمة بشكل بسيط الطفل يتعلم يعملها و يعقد فيها يلعب اللي يحبه ,بيفرحوا بيها جدا

19-تمثيل : حد يمثل تعبير بالوجه و التاني يقول معناه (زعلان-فرحان) ممكن حد يمثل وظيفة ...

20- لعبة المطعم نعمل في يوم منيو و حد يبقي طباخ و حد جرسون و كده او اوبن بوفيه و نتعلم من خلالها اداب الطعام بشكل مبسط

21-هيحصل ايه ؟ نطرح سؤال افتراضي و كل واحد يجاوب زي هيحصل ايه لو السماء مطرت رز بلبن ؟ ممكن نبسط السؤال ,هيحصل ايه لو صحينا لقينا في البيت قطة ؟ ... طبعا لو ابنك بيترعب من القطط ده مش سؤال مناسب

22-سوق الخضار و الفاكهة :الأم تعمل بياعة في السوق و الأطفال يشتروا و يغسلوا و ياكلوا اللي اشتروه و لازم تبقي متقنة يعني كل ما الام تتقمص اللعبة هتحلو

23-نعمل كيك او كب كيك و نحط اطباق كريمة,فواكه ,بسكوت ..و كل واحد يزوق حته (نبعد عن عجينه السكر لأن سكرها عالي و اي سكريات كتير بتهيبر الطفل)

24-الميك معاك : نجيب ميكروفون بيتباع ب 15 جنية و نركبه في السماعات و كل واحد يبقي ليه فقرة يطلع بقي يغني ,يحكي حدوتة ...فقرتك كأم ممكن تحمل رسالة غير مباشره عن اللي تحبيه

25-كمل الحدوتة : حد يبدأ مثلا كان مره واحد ماشي و فجأة ...التاني يكمل و لو الطفل مش عارف يتخيل ممكن اسيبله النهاية بس يعني كان فيه مره ولد قلمه ضاع فخد من مصروفه و راح المكتبة .... و الطفل يكمل

26-اجتماع عائلي : مره في الاسبوع تجتمعوا و كل واحد يقول اكله ليوم في الاسبوع الجي و تعملوا منيو الاسبوع فطار غدا عشا مكتوب و متعلق

ده مهم جداااا في تعليم الطفل النظام و للأطفال اللي بتصحي ماما هفطر سندوتش جبنه بعدين تعمليه يقولك لأ بيض و ينتهي الموضوع بخناق

لكن مع وجود الجدول هيقولك لأ بيض هتقوليله حاضر يا حبيبي هكتبها في منيو الاسبوع الجي و بس

و بتعلمهم الإيثار بمعني بابا مختار في يوم ملوخية و فراخ و سلطة و رز جه اليوم ده و ابنك مش بيحب الملوخية بياكل سلطة و فراخ و رز بس مش بتعمليله اكل مخصوص

و ده ينطبق علي باقي الايام لو الاب مبيحبش حاجة الطفل مختارها برضه هياكل باقي الموجود و ميتعملوش مخصوص ...

27-عكس الادوار : لمدة ساعة مثلا ابنك ياخد دور الام و انت تاخدي دوره و تعكسوا المهام انت ترتبي اوضته و هو يوضب حاجة في البيت من مهامك مثلا ,

اللعبة دي بتبينلك ابنك شايفك ازاي و شرطها متنتقديهوش في اللعبة خالص لأن ممكن تلاقيه لما خد دورك بدأ يزعق و يحط ايده في وسطه فأكيد انت بتعملي كده

28-مكالمة : تخليه يكلم حد من قرايبكوا يسأل عليه

29-قولي ميزه : كل واحد يقول ايجابية في غيره بتبقي حلوة جدا و بتعرفي ابنك بيحب فيكي ايه

30-طبقين واحد فاضي و التاني في سفنجه و مياه و الطفل ياخد السفنجة يعصرها في الطبق الفاضي لحد ما ينقل كل المياة من ده لده

31-اضربني و انا اصد بتعلم الطفل يدافع عن نفسه تعملي كأنك بتضربيه و هو يمسك ايدك و يبصلك جامد و يقولك مبحبش حد يضربني مثلا تعضيه و تعلميه انه يسد مناخيرك و يسيب اول ما تفتحي بقك و كده

تفتكروا لو طفل عملناله كل التجارب و الالعاب دي في شهر يعني كل يوم فكرة واحدة هيطلع زي الطفل اللي بقاله شهر معظم يومه قدام كرتون او موبايل؟!! مستحيل طبعا.

مكتبة نوري (كاميليا) + Lost Stars

السلام عليكم 

من مكتبة نوري قرأنا الليلة قصة كاميليا والدبدوب 

وهي ضمن سلسلة قصص كاميليا التي يحبها عمر كثيرا 

تدور أحداث القصة حول دبدوب كاميليا الذي فقد احدي عينيه ففزعت منه كاميليا وقالت انه شرير 

لكن هدأت الام من روعها وقالت له هو فقط فقط احدي عينيها 

وقامت الأم بحياكة العين الثانية له مرة أخري فعاد جديدا كما كان وسعدت به كاميليا من جديد 

وبعدها قمنا بقراءة قصة أخري لكاميليا وهي ( كاميليا في المطبخ )

وتدور أحداث القصة حول كاميليا التي قررت مساعدة والدها اليوم في المطبخ ليخففا من عناء والدتها في تحضير الطعام 

وأثناء تحصير الطعام سقطت من كاميليا البيضة علي الأرض واتسخت الأرض ولكن الأب تعامل مع الموضوع بلطف وقال لها ان تنظف فقط مكانها وساعدها بإزالة قطع البيض المكسورة 

أيضا استعملت كاميليا السكين من وراء والدها وجرحت اصبعها وقال لها والدها كان عليها أن تخبره أولا حتي يساعدها ويريها الطريقة الصحيحة لاستعماله بحذر

وقام بتتنظيف وتضميد جرحها 

وأخيرا قدمت كاميليا ووالدها الطعام لباقي الأسرة وسعدت بذلك الأم كثيرا وتمنت أن يقوما بذلك كل يوم :) 

وأخيرا قرأنا بالإنجليزية قصة 

Lost Stars 

 وتحكي عن النجوم التي حزنت بسبب عدم التفات الناس إليها وانشغالهم بالعمل وعدم رؤيتهم للسماء فقررت ترك السماء و الذهاب إلي الشاطيء .. وفجأة انقطعت الكهرباء وشعر الناس بالظلام الشديد وبدأوا يتساءلون أين النجوم التي كانت تضيء لنا الطريق وذهبا للبحث عنها في كل مكان حتي وجدوهم 

رفضت النجوم العودة إلا بشرط أن يهتم الناس بهم ويلتفتوا إليهم ووافق الناس واتفقوا علي ذلك وعادت النجوم مرة أخري للسماء تنيرها وبدأ الناس يخرجون من بيوتهم ليلا لمشاهدتها