Saturday, August 3, 2024

كيف تربين رجلا ؟! مقال للدكتورة هبة المنجي

 كيف تربين رجلا؟ 

بخطوات بسيطة بس مستمرة على مدار سنوات الطفولة ثم المراهقة تقدر الأم تساعد ابنها إنه يبقى رجل بحق 


الراجل عشان يبقى راجل محتاج بعض الصفات الأساسية.. تعالوا نعددهم مع بعض بدون ترتيب لأن كلهم مهمين:


تحمل المسؤولية .. الجدعنة والشجاعة .. الصدق.. المروءة 

الحلم والأناة.. الحكمة .. العفة.. الرحمة والحنان.. الحزم والحسم

الوفاء .. الكرم.. الغيرة والحمية .. قوة التحمل .. التسامح

الوقار .. الحياء .. اللباقة .. حب العمل والنشاط.. النظافة


الصفات دي ممكن تكون في شخصية الطفل بالفعل ومحتاجة مننا نحافظ عليها وننميها 

وممكن تكون محتاجة مننا شغل عشان يكتسبها لأن معظمها يمكن اكتسابه فعلا .. وده محتاج مننا اهتمام ووعي وتركيز 

وممكن نلاقي أولادنا قرب سن المراهقة بدأوا يكتسبوها لوحدهم لبلوغهم مبلغ الرجال .. ودورنا نساندهم في اكتسابها لحد ما تبقى طبع غالب عليهم 


وإليك ٨٠ توجيه تربوي لإكساب الأبناء صفات الرجولة من خلال مواقف الحياة اليومية 😊: (كتبتها دون ترتيب أو تصنيف .. وآمل أن أفصلها في كتاب ودورة تدريبية قريبا يا رب) 💪🍃


١- لا تتحملي عنه مسؤولياته أو واجباته (حمل حقيبة المدرسة - عمل الواجبات - تنظيف غرفته - تجهيز شنطة التمرين - ......)

٢- لا تتحملي عواقب أفعاله (عمل مشكلة هو يحلها.. عمل كارثة يتحمل نتيجتها مهما كلفته) 

٣- لا تعتذري بدلا منه عندما يخطيء (بعد سن التمييز فما فوق) 

٤- لا تقدمي له امتيازات خاصة لمجرد أنه ولد 

٥- دربيه منذ الصغر على خدمة نفسه وتقليل طلباته من الآخرين

٦- عوديه على مساعدة الآخرين وأولهم أهل بيته

٧- أشعريه بالمسؤولية عنك وعن أخواته البنات وحتى عن عماته وخالاته ومحارمه عموما

٨- اوكلي إليه المهام الصعبة عليكِ (يشيل التقيل ويفتح البرطمانات.... الخ الخ)

٩- لا توفري له كل شيء (علميه الاستغناء والاكتفاء) 

١٠- لا تكون كل طلباته مجابة فهذا مفسد

١١- عرفيه بنقاط القوة في شخصيته وساعديه على تنميتها .. ونقاط الضعف وساعديه على التخلص منها

١٢- اغرسي فيه مركزيات الشرع (مركزية الله - مركزية العبودية لله - مركزية الوحي - مركزية الآخرة - مركزية الابتلاء - مركزية الصراع بين الإنسان والشيطان - مركزية اتباع النبي .......)

١٣- ابني تصوراته عن الحياة والإنسان والكون من خلال القرآن والسنة

١٤- علميه القرآن والعقيدة والحديث والعلوم الشرعية (ما لا يسع المسلم جهله.. على الأقل.. فإن وجدت نبوغا فزيدي)

١٥- اهتمي بالرياضة البدنية والمعسكرات والرحلات الخلوية

١٦- ادفعي به إلى مجالس الكبار التي تنفعه ولا تضره

١٧- اجعليه إماما لك في الصلاة 

١٨- شجعيه على صلاة الجماعة في المسجد خاصة الفجر

١٩- عوديه على الصدقة والعمل الخيري

٢٠- حببيه في الصيام قبل البلوغ.. وفي عبادة الذكر وتلاوة القرآن وقيام الليل

٢١- ازرعي فيه مراعاة حدود الله وتقواه بتحري الحلال والحرام قبل أي عمل ومراقبة الله في السر والعلن

٢٢- علميه أن الابتلاء يأتي دوما فيما تتعلق به قلوبنا لنُختبر

٢٣- إذا مرضتِ اطلبي منه رعايتك وتمريضك ورقيتك

٢٤- اصحبوا الأولاد معكم في الجنازات والمعازي والدفن والواجبات الاجتماعية والمصالح الحكومية

٢٥- استشيريه في أمورك وأمور البيت ولا تسفهي رأيه 

٢٦- عوديه على الاعتذار واقبلي اعتذاره وسامحيه ولا تذكريه بأخطائه

٢٧- عرفيه أسس الحوار الهاديء المحترم

٢٨- نمي عنده مهارة حل المشكلات باللعب وكذلك سؤال (عندك حل للمشكلة دي؟ حتى لو كانت بسيطة)

٢٩- علميه كيف يتصرف في المناسبات الاجتماعية وماذا يقول فيها ومتى ولمن...

٣٠- اسندي إليه مهاما منزلية منذ الصغر 

٣١- اسأليه قبل الخروج إذا كانت ملابسك ساترة تماما 

٣٢- دربيه على التصرف الصحيح في المواقف الخطرة وعلى الإسعافات الأولية

٣٣- اقبلي هديته بفرحة وقدري كل ما يصنع ليدخل على قلوبكم السرور  

٣٤- علميه مبكرا عن طريق اللعب أن كل شيء لابد له من نهاية (هذه من حقائق الحياة الهامة)

٣٥- لا تجعليه طفلا مرفها .. اخشوشنوا فإن النعمة لا تدوم (الشباب يحتاجون لبعض المرمطة ليصيروا رجالا) أمثلة: مواصلات صعبة .. طرق طويلة .. مشاوير مرهقة .. الخ

٣٦- عليه أن يتحمل نتيجة قراراته المتسرعة ليتعلم التريث والأناة

٣٧- استخدمي أسلوب جمع النقاط حتى يتعلم أن الوصول للغاية يحتاج صبر ومثابرة وعمل مستمر وكافئيه على الاستمرار وبذل الجهد

٣٨- اهتمي برفع مهاراته التي تساعد على العمل المبكر

٣٩- ادفعي به لتجربة العمل المبكر بشكل آمن وعلميه كيف يكسب من الحلال الطيب

٤٠- عندما تكوني معه في محل أو مطعم أو مواصلات... اتركيه هو يتحدث ويحاسب

٤١- إذا كنتم في مشوار معا اعتمدي على ذراعه

٤٢- علميه أن الإناث مسؤولية رجالهن وليس العكس (هو عندما يكبر مسؤول عنك وعن أخته وعن زوجته وابنته .. وليس العكس)

٤٣- عندما ينصحك بكلام طيب اسمعي كلامه وانتصحي له 

٤٤- لا تتكلمي عنه بسوء لأي شخص (هذه نصيحة عامة للولاد والبنات) واحفظي كرامته في السر والعلن

٤٥- لا تفشي أسراره التي ائتمنك عليها واستري عيوبه

٤٦- لا تسمحي له بالتعلق بأي شيء (عالجي الميول الإدمانية بالاهتمام بالتوازن في كل شيء قدر الإمكان)

٤٧- إذا تعرض لمشكلة في المدرسة هو يدافع عن حقه بنفسه .. لا تتدخلي إلا إذا طلب تدخل ولي الأمر لإمضاء طلب تظلم مثلا أو ما شابه

٤٨- لا تقارنيه بأي شخص (هذه نصيحة عامة للولاد والبنات.. المقارنة تقطع العلاقة الوالدية)

٤٩- هيئيه لمرحلة البلوغ (وهناك دورات تعين على ذلك.. سأشير لها في التعليقات)

٥٠- اجعليه مصاحبا لوالده في أمور الرجال كلها

٥١- احتفي بنجاحاته وأشيري دائما إلى توفيق الله له

٥٢- إياك واستخدام الواسطة والمحسوبية واستغلال النفوذ لصالح ولدك (هذا باب واسع ليصير شخصا انتهازيا وصوليا منافقا)

٥٣- عوديه على الدعاء لله والتعلق بالله وحده 

٥٤- لا تنفردي بتربية ولدك ولا تهمشي دور والده فهو يحتاجه وأنت كذلك تحتاجين إليه في التربية 

٥٥- اهتمي بالمدخلات على سمعه وبصره منذ الصغر واغرسي فيه عبادة غض البصر 

٥٦- لا توجد خصوصية في سن المراهقة 

٥٧- علميه كيف يختار الأصدقاء الصالحين وكيف يحكم على الناس وساعديه على الوصول للصحبة الصالحة 

٥٨- لا تعزلي ولدك داخل فقاعة معقمة .. عرضيه للحياة بحلوها ومرها حتى لا يكون غرا ساذجا هشًا

٥٩- عرفيه أن الدنيا ليست مثالية وأن فيها خير وشر حتى لا يصدم عندما يخرج إليها 

٦٠- ليدير الجلسة الشرعية معك أو بدلا منك في بعض الأحيان ليتدرب على التعليم والإلقاء والنقاش والبحث وعرض المعلومات .. الخ

٦١- تفهمي أن لعب الصبيان قد يتسم ببعض الخشونة وبعض خناقات الإخوة تكون نوعا من التدريب على الخناق بشكل عام 

٦٢- تقبلي طريقة كلام الوالد معهم ببعض الخشونة (دون إهانة) ولا تتدخلي بينهم

٦٣- نحنو ونتعاطف ونقدر مشاعرهم لكن بدون صعبانيات ولا نسمح لهم بالانغماس في دور الضحية المغلوب على أمرها 

٦٤- لا تتدخلي لحل مشاكله مع أصحابه .. وجهيه بدون تدخل صريح منك

٦٥- عرفيه أن الدنيا متقلبة لا تثبت على حال .. ودوام الحال من المحال 

٦٦- دربيه على إدارة المال (مصروفه أولا) ثم اشركيه معك في إدارة ميزانية الأسرة وعلميه الإدخار والتوفير

٦٧- علميه كيفية التعبير عن مشاعره بما يتناسب مع الرجولة والرجل إنسان قد يبكي كنوع من التنفيس الشعوري لكن لا ينغمس في الحزن وإنما يبحث عن حلول للخروج من أزمته 

٦٨- هيئيه للزواج (معرفة معايير اختيار الزوجة .. طريقة التقدم لها .. فقه الزواج في الإسلام .. العرف الموافق للشرع .. كيف يتعامل مع زوجته.. وما هي احتياجاتها...... الخ)

٦٩- نبهيه برفق إذا فاته التصرف كرجل في موقف ما ليعرف التصرف الصحيح (ولكن لا تقولي انت مش راجل وما شابه..)

٧٠- أشعريه دائما بالاحترام فلا للسب والشتم والتحقير والسخرية منه 

٧١- عوديه على وجود القواعد والنظام وأهمية الالتزام في الحياة

٧٢- لا توجد أي مشكلة إذا ذهب للمدرسة في يوم ممطر طالما صحته تسمح بذلك 

٧٣- ابعديه عن الأماكن المعروفة بانتشار الانحرافات الدينية  والأخلاقية فيها 

٧٤- لا تسمحي له بالتكبر أو العجب أو الاستحقاق الزائد أو الأنانية أو القسوة أو البخل (كلها أمراض قلوب مفسدة تجعله لا يُعاشَر)

٧٥- دربيه بالتدريج على استخدام التكنولوجيا بشكل صحي لا يؤذي دينه أو أخلاقه ويعينه على الاستفادة من جوانبها الحلال مع وجود رقابة ومتابعة

٧٦- شجعيه دائما وساعديه على اكتساب علو الهمة والرغبة في تحقيق معالي الأمور 

٧٧- جنبيه التفاهات وما يوصل إلى التفاهات 

٧٨- استمعي له وكوني مستشارته الخاصة

٧٩- قللي من اللوم والعتاب والنقد الشديد لتحافظي على الرابطة الوالدية الآمنة

٨٠- تدارسي معه القرآن وسيرة النبي صلى الله عليه وسلم وليكن الرسول قدوته ومن بعده صحابته الكرام رضوان الله عليهم ثم العلماء والدعاة المخلصين 


وقبل كل ذلك .. عليك أخيتي بالإخلاص لله في تربيته وبالدعاء أن يجعله الله ولدا صالحا لك ولوالده وأن يصنعه على عينه رجلا طيبا طاهرا تقيا كل من يراه أو يتعامل معه يدعو لمن رباه .. وعليك بالتبرؤ من حولك وقوتك واللجوء لله وحده والاعتماد عليه 

فيكون لسان حالك دعاء الفضيل بن عياض: "اللهم إني اجتهدت في تأديب ولدي فلان فلم أستطع اللهم فأدبه لي" 💙


وإذا كنت لا زلت على البَر غاليتي ولم تتزوجي بعد .. فاهتمي باختيار الزوج الصالح ليكون الأب الصالح لأولادكما وأن يكون قدوة لأولاده في كل شيء 


كيف تعرفين أنه على دين وخلق يا صغيرتي؟

بتعظيمه للصلاة + وتحريه للحلال والحرام + وكسبه من الحلال + وعينه العفيفة + وعفة لسانه + وتواضعه مع من هم أقل منه + بره بوالديه ورحمته بأخواته البنات + صلته الرحم

Wednesday, May 15, 2024

مس أمنية عسكر - حلقات رمضان 2024 (Notes)

التربية مش بشطارتنا التربية توفيق من ربنا سبحانه وتعالي 

لو عاوز ربنا يبارك لك في عيالك اتق الله ( فليتقوا الله وليقولوا قولا سديدا) 

رحلتنا في التربية مش علشان نبهر الناس هدفنا هو ارضاء ربنا سبحانه وتعالي ونطلع نظره وكلام الناس ده من دايرتنا 

ولادنا مش هنقدر نسيطر عليهم في وقت من الاوقات فلازم نغرس جواهم حب ربنا اللي هينفعهم في الوقت ده 

تحري الحلال في كل شئ علشان خاطر ربنا يطرح البركه في بيوتنا وولادنا 

الطفل من اول ما يتولد محتاج يبقي عارف ان فيه حد بيجبه ومهتم بيه ومش بنقارنه بأي حد 

الطفل اول ما ينبذ في بيته هيدور علي الانتماء بره 

وظيفتنا اننا ندور علي نقاط القوة اللي عند اولادنا ونساعدهم يطوروهم مش اننا نقارنهم بغيرهم او بمعايير المجتمع 

الطفل لازم يحس انه محبوب ومقبول دائما 

عليك أن تصل إلي القلب أولا قبل أن تصل إلي العقل 

Let the message of love get through 


لو طفلك ايجي عامل مشكله كبيره في المدرسه وهو لسه ابنك ولسه بتحبخ تفتح له الباب ويحس انك لسه بتحبه واسمع منه اول ما يهدي ويرتاح ، ومتسمعش بطريقة المحقق لازم تسمع للنهاية حتي لو عامل حجات غلط 
نستخدم وقتها اسلوب الأسئلة ( طب انت شايف ايه وشاياف الموقف ده ممكن يتصلح ازاي ؟ ومسئوليتك تجاه الموقف ده ايه ؟ ولو اعترف وحس بغلطه نشكره انه اعترف بخطأه ونشجعه انه يصلحه 

Kind and firm 
ما كان قد كان وقدر الله وما شاء فعل 
هيحس انه محبوب ومقبول من اهله وعنده قدرات علي حل مشاكله 

لازم نبني أرضية مشتركه مع ولادنا 

لازم يكون عارف اما يرجع البيت هيلاقي حد يؤازره ويسانده ويطبطب عليه 

الاولاد محتاجين يسمعوا كلام حلو وكلمات شكر وتقدير 

الرسول عليه الصلاة والسلام كان بيلاعب الأطفال ودي من اساسيات التربية اللعب مع الاطفال والهزار معاهم 

مهما حصل مينفعش الاولاد يحسوا اننا محتقرينهم او أرفانين منهم او نقول هو يستاهل ده عاوز كلمتين في جنابه 
(ولو كنت فظا غليظ القلب لانفضوا من حولك 

بكل الوسائل الممكنة لابد نوفر لهم ما يساعدهم انهم يحسوا بالانتماء لهذا المكان اللي هو البيت والأسرة 

unconditional love
حب غير مشروط بتفوق دراسي او رياضي او اجتماعي او غيره وغير مقارن بأي حد 

ممكن نلعب سوا تمثيل مثلا ان انتي مديرة الشركه وانتي هتمري عليهم تشوفي الملفات اللي هي الواجب ونحول الموضوع لفكاهة ولعب 


لازم الأولاد يحبوا البيت والبيت يرتبط معاهم بالحنيه 

كل ما يستطيع الطفل فعله بنفسه خليه يعمله بنفسه ده بيساعده اكتر انه يكتشف قدراته ومهاراته ويحس انه انسان مسئول وانه يستطيع 

أكمل وجه ..الكلمة دي من أعداء التربية 

اكيد وانا بعطيهم فرص يكتشفوا قدراتهم الحاجه مش هتتعمل زي ما انتي عاوزه ، مينفعش تيجي تعيديها وراهم كده هيحس انه مش عارف وهيهرب من الموضوع ده 

Perfectionism  ابعدوا عن

الثقه بالنفس مش كورس هعطيه لحد دي حاجه بتتبني في الحياة اليومية من خلال 
تعاملك مع ابنك

محدش يكلم ولاده باستعلاء او اي طريقة دونية 

ربنا خلقنا مكرمين ومش علشان انا مامتهم اني اهينهم وده مش حق لينا 

لازم نحافظ علي احترامهم وكرامتهم ونعطيهم قيمتهم ونحافظ كمان علي حدودهم لأن اولادنا مش احنا ولهم اذواق غير أذواقنا 

كون اننا نتعامل ان ولادنا أشياء ونفرض عليهم حجات في حياتهم ده غلط 

احترموا رغبات الأولاد ودايما افتكروا قصة الرسول عليه الصلاة والسلام وهو بيوزع الماء وايجي دور الغلام والعلام لم يأذن ان حد يشرب قبله والرسول عليه الصلاة والسلام احترم رغبته 

 
لا تقللوا ابدا من معاناة أي انسان في الدنيا وهكذا اولادنا لازم نستمع ليهم ونستمع لمشاعرهم والامهم حتي لو كانت الحاجه دي بالنسبة لي تافهه لي هي بالنسبة له حاجة كبيرة 

مثل كلمة طيبة كشجرة طيبة أصلها ثابت وفرعها في السماء 

دايما اقول له انا شايف الخير اللي فيك حتي لو عملوا حاجه غلط 
دايما نشجعهم ونقول لهم الكلمة الطيبة ونثق فيهم انهم هيقدروا يصححوا اخطائهم 

اعلم الولاد "كلا ان معي ربي سيهدين "  لازم اربطهم بالمعاني الطبية الايمانية اللي بتجلب السكينه والراحه 


Take home message::

I connect - I belong 

No perfectionism 

الأخطاء فرص للتعلم ..مفيش بني ادم معملش اخطاء دي حاجه ضد الانسانية 

يشعروا بالكرامة والاحترام وان لهم دور مؤثر وقيمة ومش من حقي اهينهم 

يستطيع مواجهة الفشل او اي موقف صعب في الحياة بعون الله عز وجل 


اجتماع العائلة /
نقول لبعض شكرا علي اي حاجه حلوة عملناها
نقسم مهام الاسبوع سوا 
نحاول نحل اي مشكله قابلتنا خلال الاسبوع 
والاسبوع اللي بعده نقعد سوا ونشوف ايه اللي قدرنا نحله وايه اللي محتاجين نشتغل عليه اكتر 

نربط الاجتماع بحب ربنا : 
نقرأ القرآن سوا كل واحد صفحة 
ونقول الاذكار وندعي سوا 


كل ما تشتد الفتن حوالينا كل ما دور الأسرة لازم يبقي مهم وقوي 
ويكون هدفنا ان عندهم قوة داخليه مش بس ظاهريا تفوق ونجاح وغيره 

الأسرة أولا 
الأسرة دائما وأبدا 


تلخيص سيشن 3 
أ مروة فاروق 

نعلمهم التفكير النقدي والتأمل ونشوف دلائل ربنا في الكون 
افتكري دايما وانتي بتشتري الخضار مين وفر لنا كل الطعام ده في اي مكان في العالم هتلاقيه موجود وتعرفي ابنك ان فيه خالق مهتم بينا وباعت لنا ورازقنا كل الخير 
ده 
الورد والزرع 
اما تكوني مع ولادك وحنينة معاهم قوليلهم ان حنيتك متجيش حاجه في حنيتك ربنا 
عليهم  
نحاول نكون مركزين اننا نوري ولادنا آيات ربنا في كل حاجه وكرم ربنا وعطاؤه بغير حساب وقدرته وعلمه 

قبل ما الولاد يناموا نختم يومنا بالحمد لله 
نفضل نكررها قبل ما ننام 
ده الذكاء الروحاني اللي احنا بنتكلم عليه 
خد بالكم اننا ربطناه كمان بالحجات الحلوة زي الراحه والنوم والحضن والريحه النضيفه من الاستحمام قبل النوم 

بدعو الأهالي انهم يتعرفوا علي ربنا اكتر زي تعلم اسماء الله الحسني لانها من اقوي الحجات اللي بتساعدنا في تغيير طريقة التفكير والتعامل مع المحن 
فنحاول نتعلمها ونعلمها لأولادنا 

الولاد اما يمروا بأي حاجه مش كويسه زي الم او فشل او احباط اهم حاجه لازم نعمليها هي تقبل مشاعرهم وتقدير ألمهم وبعدين نثبتهم  ( ربنا سبحانه وتعالي لا يمكن يعمل لنا حاجه وحشه لكن الحياه هيكون فيها بعض الامور اللي مش علي مزاجنا ومش نبقي فاهمين ليه ولكن نقول الحمد لله ونسلم لأمره ونعترف ان الحياة لازم يكون فيها الم ) 

لابد من الصغر اننا نؤهل ولادنا علي تقبل بعض الأمور المؤلمة 

يبقي لازم نعترف بالألم ومع الألم نقول ايه انا لله وانا اليه راجعون 
ونذكرهم بالآية  ( الذين اذا اصابتهم مصيبة قالوا انا لله وانا اليه راجعون ) 
ده هيؤهلهم لتلقي الصدمات والامور المحبطة علي المدي البعيد 
ربنا بيحبنا ورحيم بينا 

لازم منقنطش العيال من رحمة ربنا 
"قل يا عبادي الذين أسرفوا علي أنفسهم لا تقنطوا من رحمة الله إن الله لا يغفر الذنوب جميعا 


لازم نعلم ولادنا أدعية في اليوم والليلة 
الأكل والشرب 
لبس الثوب الجديد 
اذكار الصباح والمساء 
دعاء السفر 
دعاء الخروج من المنزل 

أنا من مشجعي حفظ القرآن من الصغر 
مش مهم الكم ومش مهم المقارنة 
اهم حاجه نختار مين يحفظه القرآن 
وميكونش فيه ضغط 
ومش لازم نتفاخر قدام الناس ده حافظ اد ايه وتعالي يا حبيبي سمع قدام عمو 

الصلاة تكون من عادات البيت اليومية وتبني بشكل تلقائي عند الأطفال بدون اي ضغظ لحد ما يوصلوا لسن التكليف او قبله بحاجه بسيطه نبدأ نشوف مين مصلاش وننبه علي المسئولية 
"وأمر أهلك بالصلاة واصطبر عليها
مهم نهيأ البيت للصلاة زي نخصص ركن للصلاة الرجال يلتزموا بصلاة الجماعة نصلي وقت الآذان مباشرة ونسيب كل حاجه بنعملها 

اول ما نخلص صلاة حضن جماعي ونبوس راسهم واحد ورا واحد ده ربط للصلاة بالحنان والحب 
الصلاة من الحجات الصعبة في المواظبه عليها لازم نصبر معاهم 
كلهم بيحبوا ربنا وعاوزين يصلوا بس المواظبه مش سهله 

نتكلم برضه معاهم عن رمضان ونعظم شعائر رمضان والاستعداد لقدومه 

من اكتر الحجات اللي بتنمي الصفات القيادية عند الاولاد هي الصوم 
فلازم نثني عليهم اما يصوموا 
الاولاد يشاركوا في تزيين البيت 

نشاركهم في اعمال الخير والعطاء ونعرفهم ان الثواب مضاعف في رمضان 
واننا نخرج ونعطي افضل ما عندنا 

كل ما ننفق مما نحب ربنا هيعطينا اكتر واكتر 

نعلمهم حديث الرسول صلي الله عليه وسلم 
"يا غلام اني اعلمك كلمات احفظ الله يحفظك ، احفظ الله تجده تجاهك زاذا سألت فاسأل الله واذا استعنت فاستعن بالله...

نربط الطفل بالعقيده ونطمنه، الحديث بيطمن وبيحرر بيطمن ان الامر بيد الله في كل شئ 
وبيحرر من البشر وقدرتهم 

اصطحاب الأطفال لصلاة العيد 

اصطحاب الأطفال للعمرة ومكة والمدينة 


مينفعش نبتدي بالأوامر لازم نتعرف علي الآمر الأول ونحبه وبعدين نتكلم عن الأوامر

اما نطيع ربنا ونحبه مش هناخد كل اللي عايزينه لا هيبقي عندنا رضا يساعدنا نتقبل الحياه ونعيشها بشكل أفضل 

لابد نتلطف في فن الدعوة مع ولادنا مش لازم نعلق علي كل حاجه ونحسسهم بالنقص ونذكر العيوب 
لو لقيناهم بيصلوا نشجعهم ونثني عليهم ولو عملوا خطأ فيها ممكن نقوللهم بعد الشكر علي ملاحظة بسيطه وممكن معلش خالص الا لو الموضوع اتكرر 

ربط العبادات بالمشاعر بالطيبة 
بلاش فلوس وبنبوني وكده 
نربطها بالجانب المعنوي اكتر البوسة والحضن وهكذا

كل ما نكون بنشد ونقمع ونقيد الطفل كل ما كان مرحلة المراهقة عنيفة
في السن ده بيبدأوا يتمردوا علي حجات كتير والصحاب والسوشيال ميديا بتكون هي المؤثره اكتر 

لو الولاد لا قدر الله بعدوا شويه عن ربنا منجلدش نفسنا ونحس ان الخطأ من عندنا او الناس تعلق وتقول ان الاهل السبب ونتذكر دايما نبي الله نوح
ان شاء الله يرجعوا تاني مع الصبر والموعظه الحسنة 

الخوف من الله يأتي بعد الحب 
" إني أخاف إن عصيت ربي عذاب يوم عظيم " 
بس لاز م الحب الاول 
لكن الخوف بس هيبني علاقة مع الله غير سوية 

لا نبني العلاقة مع الله علي انها مقابل نفع مادي زي البنت مثلا نقولها لو بقيتي كويسه ربنا هيرزقك بزوج كويس وده ممكن ميحصلش ممكن يحصل ابتلاء 

اهم حاجه نظبط العلاقة والتواصل بيننا وبين ولادنا مش هنقدر ندعوهم لله الا علاقتنا  سوية وتواصلنا كويس 

مش معني ان الولاد راحوا يمين او شمال يبقي احنا السبب فيه مؤثرات كتير والهدايه مش بايدنا 
"إنا لله وإنا إليه راجعون 

Friday, May 28, 2021

Do it yourself parenting - Ramadan 2021

M/ Omnia Askar 


 * استعن بالله عز وجل 

*اكتب رسالة حياتك

* من الداخل إلي الخارج 

من القلب إلي اللسان 

منظوري للطفل هيتغير فطريقة حواري معاه هتتغير 

أتكلم مع أولادي باحترام وأعتبرهم شركاء في الحياة 


وظيفتي أقدم لهم الدعم وأكتشف نقاط القوة عند كل واحد اللي مختلفه عن التاني وأساعده ينميها 


مفيش مقارنة بين الأخوات كل واحد عنده نقاط فوة مختلفة 

دورنا مش ان احنا نشكل الأولاد ، لا احنا نوفر لهم بيئة داعمة ، نكتشف قدراتهم ونعززها 

*حول رسالتك لأعمال يومية 

* ركز علي ما في يدك 

ايه اللي في ايدك تعرف تعمله؟

انا في ايديا اعمل ايه علشان اغير هذا الموقف او اغير هذا الحال 


*اقبل نفسك

You are enough 

أنت مكرم بتكريم الله عز وجل 

أنت نسخه مش متكرره 

كلنا عندنا عيوب بس عندنا نقاط قوة 

لازم تكوني عارفه ان عندك نقاط قوة ولادك هيستفيدوا منها 

لو انتي منظمه او بتعرفي تتكلمي كويس أو بتطبخي كويس وهكذا 


*ركز علي نقاط قوتك 

************************************************


*نضغط زر الإيقاف

لما ابني يعمل موقف غلط ضايقني 

نستخدم زر الإيقاف وأكبح نفسي شويه 

أقف أشوف ابني عمل كده ليه 

أعلمه إيه 

وأعلمه له ازاي؟

نقف علشان نتواصل مع نفسنا علشان نكون الشخص اللي احنا بنحبه 


طيب أحيانا ممكن نغضب ونخرج عن شعورنا ..نعمل ايه ساعتها؟

نستخدم قوة الاعتذار .. أنا آسف يا حبيبي أنا مكنش يننفع أقولك كده وأبوس رأسه


*********************

*شجع نفسك 


لازم نكون رحماء بنفسنا؟

نفضل نجلد في نفسنا ونقول لنفسنا انت وحش انت فاشل انت أوحش أم في الدنيا وهكذا

لما نغلط نعتبر نفسنا طفل صغير ونقيمها 

نطبطب علي نفسنا ونقول لها معلش محصلش حاجه كلنا بنغلط 

والغلط ممكن يتصلح 

وممكن يتصلح الوقتي وتنادي علي ولادك 

اما بنعتذر لولادنا علاقتنا بتقوي مش بتضعف

بعد كده نقول لنفسنا برافو عليكي انك عندك الشجاعه انك تعترفي بأخطائك

لما نقدر نعمل كده مع نفسنا هنقدر نعمل كده مع ولادنا

 

خــواطــر مــامــا Template by Ipietoon Cute Blog Design